Arquivos do autor: BeaMartinez

Abraham Cupeiro – Loira

Deixa unha resposta

Detalles do Evento

O sábado 24 de maio, ás 20:30 horas, no Auditorio do Pazo da Cultura de Pontedra, o músico multiinstrumentalista Abraham Cupeiro presentará ‘Loira’, un disco cheo de contrastes e emocións que combina temas eufóricos con pezas máis íntimas.

No seu equipo, como xa é habitual contará con Alba Barreiro, outra boa razón para non deixar de ir!

“Mentres escribo estas liñas, ela, Loira, está ao meu lado, como cando facía vídeos na corentena no sofá da casa. Quizais teña que ver co feito de que está cega para que lle guste tanto a música. É de raza mestiza, como este disco que ten temas dispares, pezas que van da euforia á meditación, cancións que son unha antoloxía de cancións que levan anos perdidas nun caixón e que quería que gravaran para que poidades gozar delas”.

FAIA · ALVELA

Deixa unha resposta

FAIA presenta o seu segundo disco en solitario, Alvela, un traballo complexo e sutil, con dez temas que transitan pola experiencia da maternidade, a memoria do corpo e as violencias que o atravesan, mais tamén sobre a forza que reside no íntimo, no desexo e no pracer. FAIA revisita arrolos, romances e outras cantigas tradicionais acompañada unicamente por instrumentos de corda e grabacións de campo manipuladas, unha constrición creativa que lle confire a Alvela unha coherencia sónica e unha organicidade singular.  

Neste concerto de estrea FAIA estará acompañada da arpista bretoa Bleuenn Le Friec e o cuarteto vigués de cordas Suelen Estar Quartet, integrado por Elena Vázquez (violín), María José Pámpano, (violín/ viola), Macarena Montesinos (violonchelo) e Saúl Puga (contrabaixo). A proposta musical completarase co vestiario de Melania Freire e o deseño de luz a cargo de Nonon Lab. 

Pronto novas datas!